सोलुखुम्बु – नेकपा एमालेका अध्यक्ष केपी शर्मा ओलीले नेकपा माओवादी केन्द्रका अध्यक्ष पुष्पकमल दाहाल प्रचण्ड पार्टी फोडेर अहिले कांग्रेसको घर दैलोमा धाइरहेको बताउनुभएको छ ।
सोलुखुम्बुमा सोमबार आयोजित पार्टी प्रवेश कार्यक्रमलाई सम्बोधनका क्रममा अध्यक्ष ओलीले पार्टी फुटाएकोमा प्रचण्डलाई कुनै पछुतो नरहेको र अहिले कांग्रेसको घर दैलोमा धाइरहेको बताउनुभएको हो । अध्यक्ष ओलीले प्रचण्डलाई विषालु सर्पको संज्ञा समेत दिनु भएको छ ।
अध्यक्ष ओली भन्नुभयो, ‘प्रचण्ड त सिद्धिन लागेका थिए, उहाँलाई ल्याएर ५३ सीटमा पुर्याइदिएको थिएँ। पार्टीकै नेताहरुले प्रचण्ड खतरानक मान्छे हो, तपाईंले सर्प पाल्नु हुँदैछ भन्दै थिए। त्यसलाई बेवास्ता गरेर यस्ता सर्पहरुको दाँत फुकाल्न आउँछ भनेको थिएँ। साथीहरुले भने जस्तै प्रचण्डले डस्न थालिहाले।’
अध्यक्ष ओलीले नेपाली कांग्रेस अहिले नीति, दृष्टिकोण र विचार केही पनि नरहेको टिप्पणी गर्नु भएको थियो ।
प्रकाशित मिति : ५ बैशाख २०७९, सोमबार ९ : १२ बजे
प्रतिक्रिया