बुटवल । राप्रपा नेपालका अध्यक्ष कमल थापाले आफ्नो पार्टीको चुनाब चिन्हबारे जनतामा ज्ञान कम भएकाले सूर्य चिन्ह लिएर चुनाबमा जाने निणर्य गरेको बताउनुभएको छ ।
शनिबार बुटवलमा आयोजित पत्रकार सम्मेलनमा उहाँले नेपालमा अब राजसंस्थाको पुनस्थापनाको सम्भावना नरहेकोमेत बताउनुभयो । राजतन्त्र र गणतन्त्रको अभ्यास जनताले बुझेकोले अब राजसंस्था पुनस्थापना नहुने उहाँले बताउनुभयो।
उहाँले राप्रपामा सैद्धान्तिक विचलन र गलत प्रवृत्ति हावी भएपछि नयाँ पार्टी पुनर्जागृत गर्नुपरेको बताउनुभयो ।
अध्यक्ष थापाले आफूले पार्टीमा रहेर १५ वर्षमा कमाएको आम्दानीमा अहिलेको राप्रपा रमाएको टिप्पणी गर्नुभयो ।
आफ्नो पार्टीको स्थापनाको दुई महिनाको छोटो अवधिमा ७७ जिल्लामा पार्टीगत संरचना निर्माण भइसकेको बताउनु भयो । उहाँले यो अवधीमा आधा दर्जन बढी भातृ संगठन निर्माण भइसकेको पनि जानकारी दिनुभयो ।
प्रकाशित मिति : ३ बैशाख २०७९, शनिबार ४ : ०८ बजे
प्रतिक्रिया