काठमाडौँ । नेपाली बजारमा आज सुनको मूल्य प्रति तोला पाँच सय रुपैयाँले बढेको छ ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलाको एक लाख दुई हजार रुपैयाँ कायम भएको छ ।
बुधवार सुन तोलाको एक लाख एक हजार पाँच सय रुपैयाँमा कारोबार भएको थियो ।
त्यस्तै, तेजाबी सुनको मूल्य तोलाको एक लाख एक हजार पाँच सय रुपैयाँ निर्धारण भएको छ । बुधवार सुन तोलाको एक लाख एक हजार रुपैयाँमा कारोबार भएको थियो ।
त्यसैगरी चाँदीको मूल्य पनि प्रतितोला १५ रुपैयाँले बढेको छ । बुधवार एक हजार चार सय रुपैयाँमा कारोबार भएको चाँदी आज एक हजार चार सय १५ रुपैयाँ निर्धारण भएको छ ।
प्रकाशित मिति : २ बैशाख २०७९, शुक्रबार ११ : ३० बजे
प्रतिक्रिया