सर्लाही । नेकपा एमालेका अध्यक्ष तथा पूर्व प्रधानमन्त्री केपी शर्मा ओली मधेस आन्दोलनपछि पहिलो पटक सर्लाही सदरमुकाम मलंगवा जानुहुने भएको छ ।
मधेसवादी दलबाटै निर्वाचित मेयर र अन्य नेताहरूलाई पार्टी प्रवेश गराउन ओली वैशाख ३ गते मलंगवा जान लाग्नुभएको हो ।
मलंगवामा एमालेले एक लाख जनसहभागितामा वृहत् आमसभाको तयारी गरिरहेको छ । सोही कार्यक्रममा जिल्लाको कविलासी नगरपालिकाका मेयर कौशलकुमार यादव र अन्य नगर तथा गाउँपालिकाका जनप्रतिनिधिहरू एमाले प्रवेश गर्ने कार्यक्रम छ ।
यादव २०७४ सालको निर्वाचनमा राजपाबाट मेयर निर्वाचित हुनुभएको थियो त्यतिबेला एमाले एमाले तेस्रो स्थानमा सीमित थियो ।
हाल जसपाबाट एमाले प्रवेश गर्न लाग्नुभएका यादव तत्कालीन मधेसी जनअधिकार फोरमको जिल्ला अध्यक्ष हुनुहुन्थ्यो ।
प्रकाशित मिति : २९ चैत्र २०७८, मंगलबार ९ : २४ बजे
प्रतिक्रिया