काठमाडौं । नेकपा एमालेका अध्यक्ष केपी शर्मा ओली आज बझाङ जाँदै हुनुहुन्छ ।
सुदूरपश्चिम पहाडको बझाङमा आयोजना हुने जनसभालाई सम्बोधन र हजारौँ मानिसहरूलाई एमालेमा प्रवेश गराउन त्यसतर्फ जान लाग्नुभएको हो ।
बझाङस्थित चैनपुरमा आज यहाँ आयोजना हुने विशाल जनसभालाई अध्यक्ष ओली र उपाध्यक्ष विष्णु प्रसाद पौडेलले सम्बोधन गर्ने कार्यक्रम रहेको केन्द्रीय सदस्य ऐन महरले जानकारी दिनुभयो । इतिहासमै बझाङमा ठुलो र महत्त्वपूर्ण आमसभा गर्न लागिएको उहाँले जानकारी दिनुभयो ।
उहाँका अनुसार करिब दुई हजार जना विभिन्न पार्टीबाट नेकपा एमालेमा प्रवेश गर्ने कार्यक्रम छ ।
प्रकाशित मिति : २८ चैत्र २०७८, सोमबार ७ : ५३ बजे
प्रतिक्रिया