काठमाडौँ । नेकपा एमालेका अध्यक्ष एवं पूर्व प्रधानमन्त्री केपी शर्मा ओली आज पार्टी जिल्ला कमिटी खोटाङले आयोजना गरेको बृहत् जनसभालाई सम्बोधन गर्न खोटाङ जाँदै हुनुहुन्छ ।
उहाँ बिहान साढे १० बजे जानुहुने भएको छ । अध्यक्ष ओलीसँगै उपाध्यक्ष एवम् पूर्व गृहमन्त्री रामबहादुर थापा ‘बादल’ पनि त्यसतर्फ जाँदै हुनुहुन्छ ।
अध्यक्ष ओली र उपाध्यक्ष थापाले त्रिधार्मिकस्थल हलेसी महादेवको र हलेसी मारतिका गुम्बाको अवलोकनपछि जनसभास्थल प्रस्थान गर्नुहुने एमालेका प्रमुख सचेतक भट्टराईले जानकारी दिनुभयो ।
जनसभा कार्यक्रममा विभिन्न पार्टीबाट दुई हजारभन्दा बढी नेता तथा कार्यकर्ता प्रवेश गराउने तयारी रहेको एमाले खोटाङले जनाएको छ।
प्रकाशित मिति : १९ चैत्र २०७८, शनिबार ८ : ०३ बजे
प्रतिक्रिया