काठमाडौँ । चलचित्र ‘ठगराज’ को पहिलो गीत रेकर्डिङ सम्पन्न भएको छ ।
चलचित्र पत्रकार तथा लेखक, निर्देशक लक्ष्मण सुवेदीको लेखन, निर्माण तथा निर्देशनमा बन्न लागेको चलचित्रको गीतमा दीपक शर्माको सङ्गीत रहेको छ ।
‘माया बसेको रैछ’ बोलको गीतको शब्द सुवेदीले नै लेख्नुभएको हो । गीतको एरेन्ज शिवराम रसाइलीले गर्नुभएको हो । माया प्रेमको गीतमा प्रताप र दीपाको स्वर रहेको छ।
गोल्डेन स्टेट भूमि मेकर्स एलएलसी क्यालिफोर्नियासँगको सहकार्यमा दिलासा क्रिएसनको ब्यानरमा निर्माण हुने चलचित्र जेठमा छायाङ्कन गर्ने तयारी रहेको छ ।
सामाजिक कथावस्तुमा निर्माण हुने चलचित्रको कलाकार तथा प्राविधिक टिम छनोट कार्य भइरहेको निर्देशक सुवेदीले बताउनुभयो । सुवेदीले सामाजिक कथा, जीवनको यथार्थसँग नजिकसँगै कमेडी, लभ र सेन्टिमेन्टको संयोजन चलचित्रमा हुने दाबी गर्नुभयो। चलचित्रको वितरण आरआर फिल्मसले गर्नेछ।
प्रकाशित मिति : १४ चैत्र २०७८, सोमबार ८ : ११ बजे
प्रतिक्रिया