सर्लाही । नेपाली काँग्रेस सर्लाही सभापतिमा संस्थापन पक्षका सुरेन्द्रप्रसाद सिंह विजयी हुनुभएको छ ।
आइतबार मध्य राति सार्वजनिक मत परिणाम अनुसार एक उपसभापतिबाहेक सबै पदाधिकारीमा संस्थापन पक्ष विजयी भएको हो ।
सभापतिमा विजयी सिंहले १ हजार ७ सय ५८ मत प्राप्त गर्नुभयो भने संस्थापन इतरका प्रत्याशी लक्ष्मण रायले १ हजार सय ३७८ मत पाउनुभयो । रायभन्दा सिंह ३८० बढी मत ल्याएर विजयी हुनुभएको हो।
निर्वाचन समितिका अनुसार ३ हजार २ सय ७५ मतमध्ये ३ हजार १ सय ७४ मत खसेको थियो ।
उपसभापतिमा भने संस्थापन इतरका नवीन अधिकारी १ हजार ४ सय ९३ मतसहित विजयी हुनुभएको छ । उपसभापतिमै संस्थापनबाट डा.सरोज कुमार (राजु) १ हजार ७ सय ६४ मतसहित विजयी हुनुभएको छ ।
सचिवमा संस्थापनका निरज कार्की १ हजार ७ सय२६ र मनोज यादव १ हजार ४ सय २६ मतका साथ विजयी हुनुभयो।
सह सचिवमा संस्थापनकै इन्द्रबहादुर योञ्जन १ हजार ७ सय ११ र सुनिलकुमार कुशवाहा १ हजार ५ सय ७९ मतसहित विजयी हुनुभएको छ ।
काँग्रेस अधिवेशनका जिल्ला निर्वाचन अधिकृत नागेश्वरप्रसाद सिंहले विजयी सभापति सिंहसहित पदाधिकारीलाई बधाई ज्ञापन गर्नुभयो ।
काँग्रेस जिल्ला अधिवेशन अन्तर्गत गत शनिवार मतदान भएको थियो ।
प्रकाशित मिति : ३० फाल्गुन २०७८, सोमबार ९ : १४ बजे
प्रतिक्रिया