राष्ट्रिय मान्यताप्राप्तसहित ५१ दलको निवेदन आयोगमा

काठमाडौँ । नेपाली काँग्रेस, नेकपा (एमाले) र नेकपा (माओवादी केन्द्र)ले आगामी वैशाख ३० गते हुने स्थानीय तह निर्वाचन प्रयोजनका लागि निर्वाचन आयोगमा दल दर्ता गर्न शुक्रबार निवेदन दिएका छन् ।

दल दर्ताका लागि तीन वटै पार्टीका निर्वाचन फाँट हेर्ने जिम्मेवारीमा रहेका नेतासहितका पदाधिकारी आयोग पुगेर निवेदन दिएका हुन् ।

स्थानीय तह निर्वाचनमा भाग लिने प्रयोजनका लागि राष्ट्रिय मान्यता प्राप्त पाँचसहित ५१ राजनीतिक दलको निवेदन प्राप्त भइसकेको आयोगका प्रवक्ता शालीग्राम पौडेलले जानकारी दिनुभयो ।

प्रकाशित मिति : १४ फाल्गुन २०७८, शनिबार  ८ : ३७ बजे