काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले फागुन २८ गते पछाडिका निर्णय फिर्ता नहुने स्पष्ट पार्नुभएको छ ।
एमाले संसदीय दलको बैठकलाई शुक्रबार सम्बोधन गर्दै प्रधानमन्त्रीले विधि सम्मत् भएका निर्णय फिर्ता नहुने बताउनुभएको हो । ‘दलको विधान केन्द्रीय कमिटीले अनुमोदन गरेकाले अहिले संशोधन गर्न सकिँदैन,’ उहाँले भन्नुभयो, ‘समयक्रममा आवश्यकताका आधारमा संशोधन गर्न सकिन्छ ।’
प्रधानमन्त्रीले गुटका कुरा नसुन्ने दोहोर्याउनुभएको थियो । उहाँले व्यक्तिगतरुपमा प्रत्येकका आलोचना र गुनासाहरु सुन्न तयार रहेको उल्लेख गर्नुभयो ।
दलको बैठकमा माधव नेपाल पक्षका सांसदहरुको उपस्थिति थियो । यसअघिका तीनवटै दलका बैठकमा नेपाल पक्षको उपस्थिति थिएन ।
बैठकमा एमाले वरिष्ठ नेता झलनाथ खनालसहित नेताहरु घनश्याम भूसाल, गोकर्ण विष्ट र योगेश भट्टराईले आ आफ्ना विचार राख्नुभएको थियो ।
खनालले २०७५ जेठ २ गते अगाडि फर्कन प्रधानमन्त्री ओलीलाई आग्रह गर्नुभएको थियो ।
प्रकाशित मिति : १३ चैत्र २०७७, शुक्रबार ९ : १८ बजे
प्रतिक्रिया