काठमाडौं । नेकपा एमालेको स्थायी कमिटीको बैठक बस्दैछ ।
पार्टी अध्यक्ष एवम् प्रधानमन्त्री केपी शर्मा ओलीले बालुवाटारस्थित निवासमा आज अपराह्न ४ बजे स्थायी कमिटी बैठक बोलाउनुभएको हो ।
बैठकमा पार्टीका आन्तरिक विवाद, बजेटको तयारी र पछिल्ला राजनीतिक घटनाक्रममा बारेमा छलफल हुने बताइएको छ ।
यसअघि शनिवार बसेको स्थायी कमिटी बैठकले माधव नेपाल, झलनाथ खनाल र भीम रावलसहित विघटित प्रतिनिधिसभाका ११ जना सांसदलाई स्पष्टीकरण माग गरेको थियो । स्पष्टीकरण दिने समय आज बिहान सकिएको छ, तर ११ जना सांसदलाई अहिलेसम्म स्पष्टीकरण बुझाएका छैनन् ।
आजको बैठकमा ११ जना सांसदहरुमाथि थप कारवाहीको सम्भावना रहेको छ ।
प्रकाशित मिति : १० जेष्ठ २०७८, सोमबार १० : ३८ बजे
प्रतिक्रिया