नेपालगन्ज । बाँकेमा जारी गरिएको निषेधाज्ञा जेठ १७ गतेसम्म लम्बिएको छ । बैशाख १३ गतेदेखि जारी निषेधाज्ञालाई पछिल्लो पटक जेठ १० गतेसम्म निरन्तरता दिइएकोमा अब जेठ १७ गते राति १२ बजेसम्म लम्ब्याइएको हो ।
प्रमुख जिल्ला अधिकारी शिवराम गेलालको अध्यक्षतामा बसेको जिल्ला सुरक्षा समितिको बैठकले जिल्लामा कोभिड(१९ संक्रमणको जोखिम अझै कायमै रहेकाले निषेधाज्ञा जेठ १७ गते राति १२ बजेसम्म थप गर्ने निर्णय गरेको हो ।
नेपालगन्ज उपमहानगरपालिकामा भने बैशाख ८ गते राति १२ बजेदेखि नै निषेधाज्ञा लगाइएको थियो ।
वैठकले निषेधाज्ञाको प्रभावकारी कार्यान्वयनका लागि सबै सुरक्षा निकायले संयुक्त सुरक्षा योजना तयार गरी समन्वयत्मक रुपले परिचालित हुने निर्णय गरेको छ ।
प्रकाशित मिति : १० जेष्ठ २०७८, सोमबार ९ : ३९ बजे
प्रतिक्रिया