काठमाडौं । चीनको स्वायत्त प्रदेश तिब्बतले कोरोना संक्रमितको उपचारमा नेपाललाई सहयोग गर्ने भएको छ । तिब्बतले नेपाललाई आपतकालीन स्वास्थ्य सामग्री सहयोग गर्न लागेको हो ।
तिब्बतले नेपालाई ३० हजार लिटर अक्सिजन ९तरल० र ८ सय थान अक्सिजन सिलिन्डरसहित विभिन्न आपतकालीन स्वास्थ्य सामग्री दिने लागेको हो । नेपालका लागि चिनियाँ राजदूत होउ यान्छीले जानकारी दिनुभयो ।
अन्य सामग्रीमा १० थान अक्सिजन कन्सेनट्रेटर्स, ५ थान भेन्टिलेटर, २ सय थान आईसीयू बेड र १५ हजार थान आपतकालीन एन्टिजेन (कोरोना परीक्षण गर्ने) किट उपलब्ध गराइने राजदूत यान्छीले बताउनुभयो । चीनको केन्द्र सरकारले पनि यस अघिदेखि नै नेपाललाई अक्सिजनलगायत स्वास्थ्य सामग्री सहयोग गरिरहेकाे छ।
प्रकाशित मिति : ६ जेष्ठ २०७८, बिहिबार १२ : २३ बजे
प्रतिक्रिया