पाँचथर । पाँचथरको कुम्मायक गाउँपालिकाको केन्द्र यासोक बजारमा शनिवार साँझ भएको आगलागीमा एउटा घर र पाँच वटा पसल जलेर नष्ट भएका छन् ।
आगलागीमा यासोक बजारका झरेन्द्र खतिवडाको घर जलेर खरानी भएको छ । आगलागीमा अन्यका चार वटा पसलहरू जलेका छन् ।
कच्ची घरबाट सुरु भएको आगलागी उक्त घरसँगै अन्य पक्की घरहरू रहेका कारण अन्यत्र फैलन नपाएको स्थानीयवासीले जनाएका छन् ।
फिदिम नगरपालिकाको वारुण यन्त्रको सहायतामा स्थानीयवासीले बेलुकी ९:०० बजे आगो नियन्त्रणमा लिएका थिए ।
आगलागीको कारण खुल्न सकेको छैन । आगलागीबाट भएको क्षतिको विवरण सङ्कलन भइरहेको जिल्ला प्रहरी कार्यालय पाँचथरले जनाएको छ ।
प्रकाशित मिति : १ फाल्गुन २०७८, आइतबार ९ : ४५ बजे
प्रतिक्रिया