फागुन १ बाट विद्यालय खुलाउन सीसीएमसीसीको सिफारिस

काठमाडौँ । कोभिड–१९ संकट व्यवस्थापन समन्वय केन्द्र (सीसीएमसीसी)ले फागुन १ गतेदेखि विद्यालयमा भौतिक रुपमा पठनपाठन गराउन सरकालाई सिफारिस गरेको छ ।

सीसीएमसीसीको आइतबार बसेको बैठकले  विद्यालय खोल्ने निर्णय गर्दै कार्यान्वयनका लागि सरकारलाई सिफारिस गरेको हो । 
सरकारले कोभिड तेस्रो लहर सुरु भएसँगै  माघको पहिलो सातादेखि विद्यालय बन्द गर्ने निर्णय गरेको थियो ।

पहिलो चरणमा माघ १५ गतेसम्म विद्यालय बन्द गर्ने निर्णय भएपनि पछि सीसीएमसीसीकै सिफारिसमा माघ मसान्तसम्म विद्यालय बन्द गर्ने निर्णय सरकारले गरेको थियो । तर, काठमाडौंको गोकर्णेश्वरलगायत देशभरका स्थानीय तहले सरकारको निर्णय अवज्ञा गर्दै विद्यालय खोल्ने निर्णय यसअघि नै गरिसकेका छन् । 

प्रकाशित मिति : २३ माघ २०७८, आइतबार  ४ : ५१ बजे