काठमाडौं – आज देशभर थप ८,२०३ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार पछिल्लो २४ घन्टामा २० हजार ९७९ पीसीआर र एन्टीजेन नमुना परीक्षण गर्दा ८,२०३ जनामा कोरोना भाइरसको संक्रमण पुष्टि भएको हो । गत २४ घन्टामा ६,८९१ जना संक्रमित निको भएर घर फर्किएका छन् । हाल देशमा सक्रिय संक्रमितहरुको संख्या १ लाख १४ हजार पुगेको छ ।
मन्त्रालयका अनुसार काठमाडौँमा २०४९ जना, भक्तपुरमा २२१ जना र ललितपुरमा ३६५ जना संक्रमित थपिएका छन् ।
पछिल्लो २४ घण्टामा थप १९६ जना संक्रमितको मृत्यु भएको छ । कोरोना भाइरसका कारण हालसम्म ५,४११ जनाले ज्यान गुमाएका छन् ।
प्रकाशित मिति : ४ जेष्ठ २०७८, मंगलबार ५ : ४९ बजे
प्रतिक्रिया