भक्तपुर – आफ्नो जन्मदिनका अवसर पारेर नेकपा एमाले भक्तपुरका जिल्ला अध्यक्ष बचन देउजाले कार्यकर्ता संरक्षण कोष स्थापना गर्नुभएको छ ।
नेकपा एमाले जिल्ला कमिटी भक्तपुरका अध्यक्ष एवं मदन भण्डारी स्पोर्टस एकेडेमीका केन्द्रीय उपाध्यक्ष बचन देउजाले आफ्नो जन्मदिनको अवसर पारेर नगद रु ५१ हजारबाट कार्यकर्ता संरक्षण कोषको स्थापना गर्नु भएको हो । अध्यक्ष देउजाले अप्ठ्यारोमा परेका कार्यकर्तालाई सहयोग गर्ने उद्देश्य उक्त कोष स्थापना गरेको बताउनु भयो ।
कार्यकर्ता संरक्षण कोषको स्थापनासँगै कोषलाई सहयोगार्थ नेकपा एमाले केन्द्रीय सदस्य एवं भक्तपुरका इन्चार्ज सोमप्रसाद मिश्रले पचास हजार रुपैयाँ सहयोग गर्ने प्रतिबद्धता जनाउनुभएको छ । त्यस्तै नेकपा एमाले भक्तपुरका नेता विष्णु तामाङले कोषका लागि ११ हजार १ सय ११ रुपैयाँ प्रदान गर्नुभएको छ ।
कार्यकर्ता संरक्षण कोष स्थापना भएसँगै अब भक्तपुरमा अप्ठ्यारो परेका नेकपा एमालेका कार्यकर्ताहरूलाई कोषको कार्यविधि अनुसार सहयोग गर्न सहज हुने भएको छ ।
प्रकाशित मिति : १४ माघ २०७८, शुक्रबार ६ : १९ बजे
प्रतिक्रिया