काठमाडौं – नेपालमा थप ७ हजार ३६८ जनामा कोरोनाभाइरसको संक्रमणबाट पुष्टि भएको छ ।
स्वास्थ्य तथा जनसंख्या मन्त्रालय अनुसार पछिल्लो चौबीस घण्टामा १९ हजार ५३९ नमुनाको परीक्षण गर्दा ७ हजार ३१६ जना र ३४४ जनाको एन्टिजेन परीक्षण गर्दा ५२ जना गरि कुल ७ हजार ३६८ जनामा संक्रमण पुष्टि भएको हो। पछिल्लो चौबीस घण्टामा ६ हजार ६४८ जना कोरोनामुक्त भएको जनाएको छ ।
हाल देशभर कुल सक्रिय संक्रमितहरुको संख्या एक लाख १० हजार २६३ पुगेको छ।
आज काठमाडौंमा १ हजार ८८१ जना, ललितपुरमा ४३६ जना र भक्तपुरमा २९२ जना कोरोना संक्रमित थपिएका छन्।
गत २४ घण्टामा देशभरि कुल १४५ जनाको कोरोना संक्रमणबाट मृत्यु भएको छ ।
प्रकाशित मिति : २ जेष्ठ २०७८, आइतबार ४ : ५० बजे
प्रतिक्रिया