सुनको मूल्य आज बढ्यो

काठमाडौं। नेपाली बजारमा लगातार दुई दिन घटेको सुनको मूल्य आज बढेको छ।

सोमबार झण्डै १६ हजारले घटेको सुन हिजो मंगलबार २ हजार ६ सयले घटेको थियो। सरकारले सुनको भन्सारमा आधा कटौती गरेपछि घटेको सुनको भाउ भने आज प्रतितोला ९ सयले बढेको हो।

आज छापावाल सुन तोलामा १ लाख ४९ हजार ६ सयमा कारोबार भइरहेको नेपाल सुनचाँदी व्यवसायी महासंघले जनाएको छ। आज चाँदी प्रतितोला १० रुपैयाँले बढेको छ। आज चाँदी तोलाको १८ सय ३० मा कारोबार भइरहेको छ।

प्रकाशित मिति : १२ मंसिर २०८१, बुधबार  १० : ४४ बजे