काठमाडौं । निर्वाचन आयोगले सर्वदलीय बैठक आह्वान गरेको छ ।आयोगले शुक्रबार दलहरूसँग परामर्श गर्न बैठक आह्वान गरेको हो ।
बैकमा संघ र प्रदेशमा प्रतिनिधित्व गर्ने करिब १६ दललाई निमन्त्रणा पठाइएको छ । आयोगका प्रमुख आयुक्त दिनेश थपलीयाका अनुसार बैठकका मुख्यगरी तीन एजेन्डा छन् ।
बैठकमा आगामी माघ १२ गते हुने राष्ट्रियसभा निर्वाचन र हाल जारी रहेको मतदाता नामावली संकलन र स्थानीय तहको मिति तय गर्नेबारेमा छलफल हुने बताइएको छ ।
आयोगले यस अघि नै प्रधानमन्त्री शेरबहादुर देउवालाई भेटेर १४ वैशाख र २२ वैशाखमा स्थानीय चुनाव गर्न प्रस्ताव गरिसकेको छ । सरकारले भने त्यसबारे अहिलेसम्म कुनै निर्णय लिइएको छैन्।
प्रकाशित मिति : २८ पुस २०७८, बुधबार ४ : २५ बजे
प्रतिक्रिया