काठमाडौं । मंसिर १५ गतेदेखि हुन लागेको नेपाल प्रिमियर लिग (एनपीएल)को ट्रफी सार्वजनिक भएको छ । आज काठमाडौंको सुन्धारास्थित धरहरामा आयोजित एक कार्यक्रमकाबीच ट्रफी सार्वजनिक भएको हो ।
प्रधानमन्त्री केपी शर्मा ओलीसहित आठ वटा टिमका मार्की खेलाडीले संयुक्तरुपमा ट्रफी सार्वजनिक गरेका हुन् । ट्रफी सार्वजनिक भएपछि उक्त ट्रफीलाई धरहरामाथि पनि लगिएको थियो ।
एनपीलको ट्रफी सार्वजनिक प्रधानमन्त्री ओलीले एनपीएलले नेपालको पर्यटनमा पनि सहयोग पुर्याउने बताउनुभएको छ ।
प्रधानमन्त्री ओलीले एनपीएलका आठ वटै टिम आफूलाई उत्तिकै भएको समेत बताउनुभयो । उहाँले क्यानलाई महिलाका लागि पनि एनपीएल आयोजना गर्न सुझाव दिनुभयो ।
प्रकाशित मिति : १० मंसिर २०८१, सोमबार १० : ४६ बजे
प्रतिक्रिया