काठमाडौं। नेकपा (एमाले) को आज काठमाडौंमा हुन लागेको जागरण सभाको लागि र्यालीको तयारी सुरु भएको छ ।
भद्रकालीबाट सुरु हुने र्यालीको कमाण्ड गर्न जागरण सभाका कमाण्डर एमाले वाग्मती प्रदेश कमिटी अध्यक्ष कैलाश ढुङ्गेल भद्रकाली पुगेका छन् । जागरण सभाको कामण्डरको जिम्मेवारी पाउनु भएका एमाले स्थायी कमिटी सदस्य एवं वाग्मती प्रदेश इञ्चार्ज डा. राजन भट्टराई पार्टी कामको सिलसिलामा देश बाहिर जानु परेकोले सो जिम्मेवारी ढुङ्गेलले सम्हालेका छन् ।
जागरण सभामा सहभागी हुन आउनेहरू भद्रकालीमा जम्मा हुने क्रम जारी रहेको छ । बाजागाजा सहित पार्टीका नेता, कार्यकर्ता, शुभेच्छुक तथा शुभचिन्तकहरू भेला भइरहेका छन् ।
भद्रकालीमा भेला भएर सुरु हुने र्याली, सुनधारा, वीरअस्पताल, जमल हुँदै दरबारमार्गमा पुगेर जागरण सभामा परिणत हुने कार्यक्रम छ । कार्यक्रमलाई एमाले अध्यक्ष केपी शर्मा ओली लगायतका नेताहरूले सम्बोधन गर्ने कार्यक्रम रहेको छ ।
पार्टी अध्यक्ष केपी शर्मा ओली कार्यक्रम स्थलमा दिउँसो १ः३० बजे पुग्ने कार्यक्रम रहेको छ । आजको सभामा एक लाख बढीको उपस्थिति हुने एमालले आँकलन गरेको छ ।
प्रकाशित मिति : ७ मंसिर २०८१, शुक्रबार १२ : ०५ बजे
प्रतिक्रिया