बेडरुममै पुगेर प्रहरीले पक्राउ गरेको थियो मनाङेलाई 

काठमाडौं। प्रहरीको केन्द्रीय अनुसन्धान ब्युरो (सीआइबी) को टोली मङ्गलवार बिहान स्वयम्भू, सानो¥याङस्थित कम्फोर्ट हाउजिङ पुग्दा दीपक मनाङ बेड रुममा सुतिरहेको अवस्थामा  फेला परेका हुन् । उनी आफ्ना नातेदार अनिल गुरुङको निवासमा रहेको घरको एउटा बेड रुममा सुतिरहेको अवस्था फेला परेका थिए। 

सादा पोसाकमा पुगेको प्रहरी टोलीले आफ्नो परिचय दिएपछि मनाङेले आफू भोलि आउने भन्दै टार्न खोजेका थिए। ‘ तपाईहरुले दुख पाउनै पर्ने थिएन, म भोलि आउने गरी बसेको थिए, आज तपाईहरु जानुस् , भोलि म आफै आउँछु’  मनाङेको भनाई उद्धृत गर्दै स्रोतले भन्यो। 

तर प्रहरीले उनको प्रस्ताव अस्वीकार गरेपछि उनी पक्राउ परेका थिए ।

प्रकाशित मिति : २७ कार्तिक २०८१, मंगलबार  २ : ४५ बजे