काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीसँगको छलफलका लागि नेपाली काँग्रेसका नेता रामचन्द्र पौडेले बालकोट पुग्नुभएको छ ।
उच्चस्तरीय राजनीतिक समन्वय समितिका संयोजक समेत रहनुभएका नेता पौडेल प्रमुख प्रतिपक्षी एमालेका अध्यक्ष ओलीसँगको भेटवार्ताका लागि बुधवार साँझ बालकोट पुग्नुभएको हो ।
नेता पौडेल बुधवार साँझ ६ः०० बजे बालकोट पुग्नुभएको र करिब १ घण्टा छलफल भएको उहाँको सचिवालयले जनाएको छ ।
नेता पौडेलले प्रतिनिधिसभा र न्यायालयमा देखिएको समस्याका विषयमा अध्यक्ष ओलीसँग छलफल गर्नुभएको जनाइएको छ ।
प्रकाशित मिति : २२ पुस २०७८, बिहिबार ७ : ३४ बजे
प्रतिक्रिया