काठमाडौं– एमाले अध्यक्ष केपी शर्मा ओली बैशाख २७ मा तेश्रोपटक नेपालको प्रधानमन्त्री नियुक्त हुनुभयो । संविधाराको धारा ७६ को उपधारा ३ अन्तगर्त संसदमा सबैभन्दा ठूलो दलको नेताका हैसियतमा उहाँले आज २८ गते पद तथा गोपनियताको सपथ लिनुभयो ।
राजनीतिमा ‘कन्भिक्सन’ हुनुपर्छ । ओलीसँग देश विकासको प्रष्ट मार्गचित्र छ, कार्यक्रम छ र ती कार्यान्वयन भइरहेका छन् । ओलीसँग अठोट छ र आत्माविश्वास छ । त्यही ‘कन्भिक्सन, अठोट र आत्माश्विासले ओलीलाई तेश्रोपटक मुलुकको कार्यकारी बनाएको हो । ओलीको यो सत्तारोहणसँगै उहाँबिरुद्ध भएका सबै षड्यन्त्रहरु पराजित भएका छन् ।
नेकपा निर्माण भऐदखिनै पार्टीभित्र र बाहिरबाट ओलीको विकल्प खोज्ने नाजायाज प्रयासहरु भएका थिए । ती प्रयास पार्टीभित्रै बाट भए र त्यसमा पछि बाहिरी सहयोग पनि खोजियो । देशीविदेशी सबै शक्तिको पछिल्लो एक बर्षको पूर्ण शक्ति ओलीलाई प्रतिस्थापन गर्न लागेको छत्ताछुल्ल भएकै हो । तर ओलीसँग एजेण्डा थिए, देश बनाउने दृष्टिकोण थियो र सबैभन्दा ठूलो देश र जनताप्रति इमान्दारिता थियो । ओलीको बिरुद्धमा लाग्नेसँग केही थिएन– बैकल्पिक दृष्टिकोण थिएन, देश विकासको कुनै सोच थिएन, एजेण्डा थिएनन्, थियो मात्रै ओलीको बिरोध ।
अन्ततः ती सबै भूमिगत र पछि सार्वजनिक भएका षड्यन्त्र असफल भए । ओली फेरी मुलुकको कार्यकारी प्रमुख बन्नुभयो । माओवादी केन्द्रमा अध्यक्ष प्रचण्ड र कांग्रेस सभापति शेरबहादुर देउवाको ओलीबिरोधी गठवन्धनलाई जनता समाजवादी पार्टीभित्रको बहुमत संख्याले सहयोग गरेन । त्यस्तै, अन्त्यमा ओलीलाई जसरी हटाउन विपक्षीसँग मोर्चा बनाउँदै हिड्नुभएका माधव नेपाल राजनीतिक अवशानको बाटो छाडेर ओलीकै मोर्चामा फर्कनुभयो ।
कोभिड महामारीले आक्रान्त पारेको बेला भएको सत्ताको खेल आफैंमा आपत्तीजनक थियो । त्यसमा पनि देशको उचित नेतृत्व गरेका प्रधानमन्त्री ओलीबिरुद्धको घेराबन्दी झन गलत थियो । ओलीबिरुद्धका घेराबन्दी र षडयन्त्रहरु गलत रहेको तेश्रोपटकको प्रधानमन्त्रित्वले प्रष्ट पार्छ । आफ्नो षड्यन्त्र सफल नभएपछि थप बिचलित भएका प्रचण्ड र बाबुरामहरु फेरी नक्कली कथन अघि सारेर अर्को राजनीतिक धन्दामा लागेका छन् । जनताले नपत्याएपछि अनेक बितण्डा गरेर ओलीबिरुद्ध अपवाह फैलाउनु उनीहरुको दैनिकी नै भएको छ ।
अव प्रचण्ड, बाबुरामहरु के गर्छन भन्ने महत्वपूर्ण होइन, महत्वपूर्ण प्रधानमन्त्री ओलीले के गर्नुहुन्छ भन्ने हो । चरम असहयोगका बिचमा त देश विकासमा व्यस्त रहनुभएका प्रधानमन्त्रीले अव बिश्वासको मतसँगै विकास र निर्माणमा आफूलाई थप केन्द्रित गर्नुहुन्छनै । तर अहिले सबैभन्दा पहिला कोभिड–१९ महामारीको नियन्त्रणलाई प्राथमिकतामा राखेर सकेसम्म संक्रमितको उपचार र थप सक्रमित हुन नदिन आफूलाई केन्द्रित गर्नुपर्छ । प्रधानमन्त्रीले बारम्बार भन्नुभएको छ– नागरिकको ज्यानको सुरक्षा भन्दा अर्को महत्वपूर्ण अहिले अर्को केही छैन । त्यसैअनुसार, अव कोरोनालाई नियन्त्रणमा राज्यको सम्पूर्ण शक्ति केन्द्रित गर्नुपर्छ । यसतर्फ सरकारले प्रयास गरिरहेको छ तर ती पर्याप्त देखिएका छैनन् ।
अक्सिजन, भेन्टिलेटरको व्यवस्थामा थप लाग्नुपर्नेछ भने अस्पतालमा बेडको संख्या बढाउनुपर्नेछ । कमसेकम उपचार नपाएर जीवन गुमाउने अवस्था आउन दिनुहुँदैन । त्यसतर्फ प्रधानमन्त्रीको बलियो नेतृत्व देशले खोजेको छ ।
तेश्रो इन्निङलाई प्रधानमन्त्री ओलीलाई बधाई ।
प्रकाशित मिति : ३१ बैशाख २०७८, शुक्रबार ८ : ३३ बजे
प्रतिक्रिया