काठमाडौं – नेपालमा आज थप ८ हजार ५ सय २० जनामा संक्रमण पुष्टि भएको छ।
स्वास्थ्य तथा जनसंख्या मन्त्रालय अनुसार गत २४ घण्टामा २० हजार ९ सय ४८ जनाको पिसिआर परीक्षण र ५ सय ३० जनाको एन्टिजेन परीक्षण गर्दा कुल ८ हजार ५ सय २० जनामा संक्रमण पुष्टि भएको हो।
देशभर कोरोनाका सक्रिय संक्रमितको संख्या १ लाख ७ हजार ३ सय ३६ पुगेको छ। गत २४ घण्टामा ६ हजार १ सय ३५ जना संक्रमणमुक्त भएका छन् ।हालसम्म संक्रमणमुक्त हुनेको संख्या ३ लाख २७ हजार ६ सय ५३ पुगेको छ।
आज देशभर कोरोना संक्रमणका कारण थप २ सय ३ जनाको मृत्यु भएको छ। योसँगै कोरोनाका कारण मृत्यु हुनेको संख्या ४ हजार ६ सय ६९ पुगेको छ।
प्रकाशित मिति : ३१ बैशाख २०७८, शुक्रबार ६ : ४६ बजे
प्रतिक्रिया