कपिलवस्तु । कपिलवस्तुमा सवारी दुर्घटना हुँदा दुई जनाकाे मृत्यु भएकाे छ । बिहीबार बिहान ९ बजेतीर बुद्धभूमि नगरपालिका वडा नम्बर-२, गोरुसिङ्गेमा स्कर्पियोले अटोलाई ठक्कर दिँदा दुई जनाको मृत्यु भएको प्रहरीले जनाएको छ । दुर्घटनामा ५ जना घाइते भएका थिए । जसमध्ये एक जना नाम नखुलेका पुरुषकाे उपचारको क्रममा मृत्युु भएकाे जनाइएको छ ।
इलाका प्रहरी कार्यालय गोरुसिङ्गेका प्रहरी निरीक्षक बीर बहादुर सुनारका अनुसार पश्चिमबाट पूर्व जाँदै गरेकाे स्कार्पियाेले वृद्धभत्ता लिन लक्ष्मी सनराइज बैंक जाँदै गरेकाे सवार अटाेलाई ठक्कर दिएकाे थियो । बा प्र–०१–०२९ च ९१५० को स्कार्पियोले लु १ ह ३०९२ नम्बरको अटोलाई बैंक अगाडि ठक्कर दिएको थियो ।
दुर्घटनामा सोही नगरपालिका वडा नम्बर १० जनकपुर बस्ने वर्षीय ७० सरस्वती पासीको घटना स्थलमा मृत्यु भएको हाे । घाइते हुनेमा विद्यावती पासी, भानमती पासी, जवाहिर अहिर र अटो चालक लोकबहादुर कुँवर रहेका छन् । उनीहरुलाई थप उपचारका लागि बुटवल रेफर गरिएको इलाका प्रहरी कार्यालय गाेरुसिंगेले जनाएकाे छ ।
प्रकाशित मिति : ८ कार्तिक २०८१, बिहिबार २ : २५ बजे
प्रतिक्रिया