जुम्ला । जुम्लामा मङ्गलवार रातिबाट हिमपात भएको छ ।
हिमपातका कारण अत्यधिक चिसो बढेपछि यहाँको जनजीवन प्रभावित भएको छ। जुम्ला प्रशासनले चिसोबाट बच्न न्यानो भएर बस्न आग्रह गरेको छ ।
प्रमुख जिल्ला अधिकारी विजया प्रसाईँले जाडोका कारण जनजीवन कष्टकर हुने हुँदा झोलिलो खानेकुरा खान, अत्यावश्यक कामबाहेक घर बाहिर ननिस्कन आग्रह गरिएको बताउनुभयो ।
“बालबालिका र वृद्ध वृद्धालाई न्यानो तथा शरीर ढाक्ने गरी लुगा लगाउन सार्वजनिक सूचनामार्फत अनुरोध गरिएको छ”, उहाँले भन्नुभयो ।
प्रशासनले कुनै घटना भएमा तत्काल नजिकैको प्रहरी चौकीमा खबर गर्न पनि भनेको छ ।
प्रकाशित मिति : १४ पुस २०७८, बुधबार ८ : ५८ बजे
प्रतिक्रिया