काठमाडौँ । काठमाडौं महानगरका मेयर बालेन्द्र शाहले दुई दिनअघि फेसबुकमा पोस्ट गरेको स्ट्याटस हटाएका छन् ।
एमालेकी प्रदेश सांसद रेखा शर्माले नाबालिकालाई घरेलु श्रममा लगाएकाे भन्दै उहाँ पक्राउ नहुनुकाे आक्रोश प्रधानमन्त्री केपी ओली र एमालेमाथि पाेख्दै तथ्यहीन लाक्षना लगाएका थिए । उनले लेखेको स्ट्याटस मंगलबार बिहान एकाएक गायब गरिएको थियो ।
सामाजिक सञ्जालमा स्ट्याटस डिलिटको विषयमा बालेनकाे व्यापक आलोचना भएपछि बालेनको सचिवालयले सो पोष्ट फेसबुकले नै हटाएको भन्दै बचाउ गरेको छ ।
बालेनले डिलिट गरेको आरोप लागिरहेको बेला उनको सचिवालयले भने कसैले फेसबुकलाई रिपोर्ट गरिदिएपछि फेसबुकले नै उक्त पोस्ट हटाइदिएको बताएको हो ।
सचिवालयले कम्युनिटी गाइडलाइनभन्दा बाहिर गएपछि उक्त स्ट्याटस फेसबुकले नै हटाएकाे भन्दै बचाउ गरेकाे हाे ।
प्रकाशित मिति : १८ भाद्र २०८१, मंगलबार ५ : ०६ बजे
प्रतिक्रिया