काठमाडौँ । नेकपा (एमाले)ले सचिवालय बैठक तय गरेको छ । आगामी बिहीबार (भदौ १३ गते) सचिवालय बैठक डाकिएको एमाले केन्द्रीय कार्यालय सचिव डा. भिष्म अधिकारीले जानकारी दिनुभयो ।
सचिवालय बैठकका एजेण्डा तय गर्नका लागि आज पार्टीको केन्द्रीय कार्यालयको बैठक सम्पन्न भएको छ ।
महासचिव शंकर पोखरेलको अध्यक्षतामा बसेको कार्यालय बैठकले सचिवालय बैठकका लागि पार्टीको वार्षिक कार्य योजना र समसामयिक राजनीतिक विषयका एजेण्डा तय गरेको छ ।
कार्यालय सचिवका डा. अधिकारीका अनुसार सचिवालय बैठक ललितपुर, च्यासलस्थित पार्टी मुख्यालयमा दिउँसो १ बजे बस्ने भएको छ ।
एमालेको केन्द्रीय कार्यालय बैठकमा महासचिव पोखरेल सहित उपमहासचिवहरू, सचिवहरू र कार्यालय सचिव रहनु भएको थियो ।
प्रकाशित मिति : ९ भाद्र २०८१, आइतबार २ : ४८ बजे
प्रतिक्रिया