काठमाडौं । नेपाल उद्योग परिसंघ युवा उद्यमी मञ्च (सिएनआईवाईइएफ) को अध्यक्षमा आशिष अग्रवाल चयन भएका छन् ।
मञ्चको वार्षिक साधारण सभाले सन् २०२४–२०२५ का लागि अग्रवालको अध्यक्षतामा नयाँ कार्यसमिति गठन गरेको हो ।
अग्रवालको कार्यसमितिमा मनिष श्रेष्ठ, सुगम घिमिरे, निदा दुन मल्ल, पुनित अग्रवाल, अंकुर अग्रवाल, चिराग सरावागी र साइनी खेतान निर्वाचित भएका हुन् ।
सोही अवसरमा परिसंघका अध्यक्ष राजेशकुमार अग्रवालले युवासँग सम्बन्धित विषयमा अनुसन्धानमा आधारित भएर सरकार तथा नियामकीय निकायहरुलाई नीतिगत सुझाव दिने बताए ।
नयाँ पदाधिकारीलाई बधाई दिँदै देशमा रोजगारी बढाउन, औद्योगिकरणको विकास गर्दै समग्र आर्थिक विकासका लागि युवा उद्यमीहरुलाई प्रोत्साहन गरिनुपर्नेमा जोड दिए । साथै नयाँ टिमले सोही अनुसार नै काम गर्न सुझाव दिए ।
मञ्चका निवर्तमान अध्यक्ष अनुराग गोयलले नयाँ टिमले संस्थालाई नयाँ उचाइमा पुर्याउने गरी काम गर्ने विश्वास व्यक्त गरे ।
यता, नवनिर्वाचित अध्यक्ष अग्रवालले स्टार्ट–अप र युवा उद्यमीहरुलाई प्रोत्साहनको खाँचो रहेको बताए । उनले देशमै केही गर्ने चाहना भएका युवाहरुलाई प्रोत्साहन गर्ने खालका गतिविधि गर्ने प्रतिवद्धता व्यक्त गरे ।
व्यवसाय क्षेत्रमा सन् २०१३ देखि आवद्ध अग्रवाल टौरस फर्माका निर्देशक हुन् । उनी मञ्चमा सन् २०१९ देखि सक्रिय छन् ।
स्मरण रहोस् नेपाल उद्योग परिसंघ युवा उद्यमी मञ्च सन् २००८ मा गठन भएको परिसंघको युवा संगठन हो भने मञ्चले युवा उद्यमीहरुलाई प्रोत्साहन, प्रबद्र्धन गर्ने कार्यलाई पहिलो प्राथमिकतामा राख्दै आएको छ ।
प्रकाशित मिति : ७ भाद्र २०८१, शुक्रबार १२ : ५७ बजे
प्रतिक्रिया