काठमाडौं । कक्षा १२ को नतिजा शुक्रबार अर्थात आजै प्रकाशन हुने भएको छ । नतिजा प्रकाशनको अन्तिम तयारीका लागि भन्दै बोर्डले बिहान ९ बजेका लागि बैठक बोलाएको छ ।
नतिजा प्रकाशन गर्ने तयारी पूरा भएको बोर्डले निर्णय गरेपछि सार्वजनिक हुने बोर्डका सदस्यसचिव दुर्गाप्रसाद अर्यालले जानकारी दिनुभयो ।
कक्षा १२ को परीक्षा भदौ ३० देखि असोज ८ गतेसम्म सञ्चालन भएको थियो । त्यसअघि साउन ३१ गतेबाट हुने भनिएको परीक्षा साउन २३ मा दोस्रोपटक स्थगित गरिएको थियो । यसअघि वैशाखमा परीक्षा गर्ने तयारी थियो ।
विद्यार्थीले पढेकै विद्यालयमा परीक्षा केन्द्र कायम गरी लिइएको परीक्षामा ३ लाख ७१ विद्यार्थी सहभागी थिए ।
प्रकाशित मिति : १७ मंसिर २०७८, शुक्रबार ८ : ३२ बजे
प्रतिक्रिया