काठमाण्डौं । कोभिड १९ का कारण परीक्षा गुमाएका कक्षा १२ का विद्यार्थीका लागि आज परीक्षा हुँदैछ ।
कक्षा १२ को परीक्षा गएको भदौ ३० गतेदेखि असोज ८ गतेसम्म भएको थियो । त्यतिबेला कोभिड–१९ को सङ्क्रमण भएकाले परीक्षा दिन पाएका थिएनन् । राष्ट्रिय परीक्षा बोर्डका अनुसार परीक्षार्थी रहेका जिल्लाबाटै उनीहरुलाई परीक्षामा सहभागी हुने अवसर दिइनेछ ।
यस्ता परीक्षार्थी देशभर ४१ जना छन् । उनीहरुको परीक्षाको नतिजा भने अन्य परीक्षार्थीको भन्दा ढिलो हुनेछ । तर उनीहरुलाई पनि अन्य सरह यसै वर्ष स्नातक अध्ययनको अवसर दिइनेछ ।
प्रकाशित मिति : १६ मंसिर २०७८, बिहिबार ७ : ०९ बजे
प्रतिक्रिया