चितवन । एमाले १०औं महाधिवेशन अन्तर्गत चितवनमा जारी बन्दसत्रमा नेतृत्वका लागि सहमतिको प्रयास जारी छ । बन्दसत्र चलिरहँदा पूर्वमाओवादीबाट आएका नेताले अध्यक्ष केपी ओलीलाई भेट्नुभएको छ । तीन पदाधिकारीमा दाबीसहित ओलीसँगको उहाँहरूको वार्ता सकिएको छ ।
वार्तामा २ जना पदाधिकारी र २ नेतालाई स्थायी कमिटीमा राख्नेसहमती भएको बताईन्छ ।
सहमती अनुसार नेता रामबहादुर थापा बादललाई उपायक्ष र सचिवमा टोपबहादुर रायमाझीसहित ४० जना केन्द्रीय सदस्य बनाउने सहमती भएको बताइन्छ ।
एमाले उपाध्यक्षमा बादल, उपमहासचिवमा टोपबहादुर रायमाझी र सचिवमा लेखराज भट्टको दाबी छ ।
उपाध्यक्ष, उपमहासचिव र सचिवमा दाबी गर्ने निर्णयपछि पूर्वमाओवादी नेताहरु पार्टी अध्यक्ष ओलीलाई भेट्न जानुभएको थियो ।
होटल सेभेनस्टार होटेलमा रामबहादुर थापाबाहेक टोपबहादुर रायमाझी, लेखराज भट्ट, मणि थपा र प्रभु साह बस्नुभएको थियो ।
प्रकाशित मिति : १२ मंसिर २०७८, आइतबार १ : २३ बजे
प्रतिक्रिया