काठमाडौँ । नेकपा एमालेका अध्यक्ष केपी शर्मा ओली पार्टीको १०औँ महाधिवेशन उद्घाटनका लागि आज चितवन जाँदै हुनुहुन्छ ।
शुक्रवारदेखि सुरु हुने महाधिवेशनको अन्तिम तयारीको अवस्था बुझ्न र अन्य केही कार्यक्रममा सहभागी हुन अध्यक्ष ओली आजै चितवन जान लाग्नुभएको हो ।
एमालेको १०औँ महाधिवेशन शुक्रवार नारायणगढस्थित नारायणी नदी किनारमा हुने उद्घाटन कार्यक्रमपछि सौराहामा बन्द सत्र आयोजना हुनेछ ।
अध्यक्ष ओली आज बिहान ११ः०० बजे चितवन पुग्ने कार्यक्रम रहेको छ । उहाँले आज दिउँसो एमाले निकट नेपाल बुद्धिजीवी परिषद्ले आयोजना गर्ने कार्यक्रमलाई सम्बोधन गर्नुहुनेछ ।
एमालेले १०औँ महाधिवेशन उद्घाटनमा पाँच लाख कार्यकर्ता उतार्ने लक्ष्य रहेको जनाएको छ ।
प्रकाशित मिति : ९ मंसिर २०७८, बिहिबार ८ : २५ बजे
प्रतिक्रिया