काठमाडौँ । नेकपा (माओवादी केन्द्र)ले आज देशभर एकसाथ पार्टीको वडा अधिवेशन गर्दैछ ।
माओवादी केन्द्रीय निर्वाचन आयोगका अनुसार पार्टी अध्यक्ष पुष्पकमल दाहाल ‘प्रचण्ड’ ले भर्चुअल माध्यमबाट आज बिहान ११ः०० बजे वडा अधिवेशनको उद्घाटन गर्नुहुनेछ ।
माओवादीको निर्वाचन आयोगले देशभरका ६ हजार ७ सय ४३ वडामा निर्वाचन समिति बनाएको छ । निर्वाचनका लागि आयोगले प्रत्येक वडामा तीन सदस्यीय निर्वाचन समिति खटाउने जानकारी दिएको छ ।
माओवादीले सदस्यता नवीकरण पनि टुङ्ग्याइसकेको छ । माओवादी केन्द्रीय निर्वाचन आयोगका अध्यक्ष बिष्णुपुकार श्रेष्ठका अनुसार देशभरि पार्टी सदस्य करिब ८ लाख पुगेका छन् ।
माओवादीले ११ मङ्सिरमा पालिका र २५ मङ्सिरमा सातै प्रदेशमा अधिवेशन हुनेछ ।
आयोगले प्रदेशमा ७ सदस्यीय र पालिकामा ५ सदस्यीय निर्वाचन समिति गठन गर्दैछ । प्रदेशको सम्मेलनपछि आगामी पुस११ देखि १३ गतेसम्म पार्टीको राष्ट्रिय सम्मेलन हुनेछ ।
प्रकाशित मिति : ४ मंसिर २०७८, शनिबार ८ : ३५ बजे
प्रतिक्रिया