काठमाडौँ । राष्ट्रिय जनगणना २०७८ अन्तर्गत भोलि बुधवारबाट मूल गणना हुने भएको छ ।
मङ्सिर ९ गतेसम्म हुने जनगणनाका लागि तयारी पूरा भएको तथ्याङ्क विभागका महानिर्देशक महानिर्देशक नेबिनलाल श्रेष्ठले जानकारी दिनुभयो ।
मूल गणनाका लागि ४० हजार गणक र आठ हजार १६ जना सुपरिवेक्षक खटिने छन् । नेपालमा हरेक १०(१० वर्षमा एक पटक राष्ट्रिय जनगणना हुने गरेको छ ।
यसअघि ३० भदौबाट सुरु भएको सूचीकरण १८ असोजसम्म चलेको थियो । छुटेका व्यक्ति तथा परिवारले केन्द्रीय तथ्याङ्क विभागमा सम्पर्क गरी टिपाउन सक्नेछन् ।
तथ्याङ्क विभागले यसअघि असार ८ गतेदेखि जनगणना सुरु गर्ने तयारी गरेको थियो। तर, कोरोना भाइरस सङ्क्रमणको दोस्रो लहर फैलिएपछि जनगणना स्थगित भएको थियो ।
प्रकाशित मिति : २३ कार्तिक २०७८, मंगलबार ८ : १२ बजे
प्रतिक्रिया