तेह्रथुम । तेह्रथुमको लालीगुराँस नगरपालिकामा सञ्चालित पालिका स्तरीय फुटबल प्रतियोगिताको उपाधि माङलुङ नगरपालिकाले हात पारेको छ ।
शनिवार भएको फाइनल खेलमा सहिद भूमि गाउँपालिकालाई शून्य विरुद्ध १ गोलले पराजित गर्दै म्याङलुङले उपाधिमाथि कब्जा जमाएको हो ।
फाइनल खेलको २६औँ मिनेटमा म्याङलुङका मोहन तामाङले गरेको एक मात्र गोलले भाग्य निर्धारण गरेको थियो । म्याङलुङले उपाधिसँगै १ लाख नगद, प्रमाणपत्र, मेडल प्राप्त गरेको छ ।
उपविजेता सहिद भूमिले नगद ५० हजार प्रमाणपत्र र मेडलमा चित्त बुझाएको छ ।
विजेता र उपविजेता टिमलाई लालीगुराँस नगरपालिकाका मेयर अर्जुन माबोहाङले पुरस्कार प्रदान गरेका थिए । प्रतियोगिता ७ कात्तिकबाट सुरु भएको थियो ।
प्रतियोगितामा तेह्रथुमसहित धनकुटा,सङ्खुवासभा, मोरङका ११ पालिकाको सहभागिता थियो ।
प्रकाशित मिति : १४ कार्तिक २०७८, आइतबार ८ : ३५ बजे
प्रतिक्रिया