काठमाडौँ । राष्ट्रिय वाणिज्य बैङ्कले ८ सय १४ कर्मचारी भर्नाका लागि दरखास्त आह्वान गरेको छ ।
बैङ्कले लोकसेवा आयोगको सहमतिमा खुला विज्ञापनमार्फत स्थायी पदपूर्तिका लागि आइतबार गोरखापत्रमा सार्वजनिक सूचना जारी गरेको हो ।
सूचना अनुसार योग्यता पुगेका इच्छुक उम्मेदवारले सोमबारबाट अनलाइन फाराम भर्न सक्नेछन् ।
बैङ्कले दुई जना वरिष्ठ प्रबन्धक मागेको छ भने ६ जना प्रबन्धक र १९ जना उप प्रबन्धकका लागि विज्ञापन आह्वान गरेको छ ।
वाणिज्य बैङ्कले सहायक प्रबन्धक (प्रशासन, कानुन, सूचना प्रविधि, नगद), वरिष्ठ सहायक र सहायक पदमा ठुलो सङ्ख्यामा कर्मचारी मागेको हो ।
योग्यता पुगेका इच्छुक उम्मेदवारले मङ्सिर ५ गते भित्र दरखास्त दिइसक्नुपर्नेछ ।
प्रकाशित मिति : १४ कार्तिक २०७८, आइतबार ८ : २५ बजे
प्रतिक्रिया