मोहम्मद अफताव आलमको मुद्दाको सुनुवाइ स्थगित

काठमाडौं । सर्वोच्च अदालतले पूर्वमन्त्री मोहम्मद अफताव आलमको मुद्दाको सुनुवाइ स्थगित गरेको छ । शुक्रबार सर्वोच्चले न्यायाधीशद्वय आनन्दमोहन भट्टराई र नहकुल सुवेदीको संयुक्त इजलासमा आलमको सुनुवाइ तोकिएको थियो । भट्टराई र सुवेदीको सुंयुक्त इजलासले आलमको मुद्दाको सुनुवाइ स्थगित गरेको हो ।

सर्वोच्चका प्रवक्ता बाबुराम दाहालले महान्यायाधिवक्ता कार्यालयको आग्रहमा सुनुवाइ स्थगित भएको बताउनुभयो । आलममाथि २०६४ चैत २७ गते भएको संविधानसभा निर्वाचनका क्रममा बम विस्फोट हुँदा घाइतेलाई इट्टाभट्टामा जलाएर मारेको अभियोग लागेको छ । आलममाथि विस्फोटक पदार्थ बमसमेतको प्रयोग गरी ज्यान मार्ने उद्योगमा मुद्दा चलिरहेको छ ।

प्रकाशित मिति : ५ कार्तिक २०७८, शुक्रबार  १ : ४६ बजे