कञ्चनपुर । महाकाली नदीमा आएको बाढीले कञ्चनपुरमा छ लेनको कालोपत्रे सडक बगाएको छ ।
महाकाली नदीको पक्की पुलसम्म जानका लागि निर्माण गरिएको उक्त छ लेनको सडक पुर्णरुपमा कटान भएको जिल्ला प्रहरी कार्यालय कञ्चनपुरले जनाएको छ ।
सडक कटान भएको र तटबन्ध पनि जुनसुकै समयमा भत्केर महाकाली मानव बस्तीतर्फ पस्ने खतरा भएकाले समयमै सुरक्षित स्थानतर्फ सर्न तटीय क्षेत्रका नागरिकलाई जिल्ला प्रहरी कार्यालय कञ्चनपुरले अनुरोध गरेको छ ।
भिमदत्त नगरपालिका ११, १२ र १३ बाढीको बढी जोखिममा रहेका छन् ।
प्रकाशित मिति : ३ कार्तिक २०७८, बुधबार ७ : ३३ बजे
प्रतिक्रिया