शे फोक्सुन्डो तालमा वल्र्डलिंकको निःशुल्क वाइफाइ सेवा

काठमाडौँ – “ सबैलाई जहाँ पनि, जहिले पनि जोड्ने” आफ्नो मुख्य उद्देश्य लाई अनुसरण गर्दै वल्र्डलिंक कम्युनिकेशन्स लिमिटेडले शे फोक्सुन्डो तालमा आफ्नो निःशुल्क वाइफाइ सेवा मितिः २०७७।१२।०८ गते वाट शुरू गरेको छ । नेपालको प्रमुख ताल मध्ये कान्जिरोवा हिमालको काखमा अवस्थित समुन्द्री सतहभन्दा करीव ३६६० मिटरको उचाइमा कर्णाली प्रदेशको डोल्पा जिल्ला अन्र्तगत, नेपालको मुख्य पर्यटकीय स्थल फोक्सुण्डो ताल जसलाई विश्वभर शे फोक्सुण्डो तालको नामले समेत चिनिन्छ ।  हिमाली ताजा र सफा पानीले  भरिएको यो ताल नेपालको धेरै गहिरो र ठुलो ताल हो । यो ताल यसको मन्त्रमुग्ध सुन्दरताको लागि विश्व प्रसिद्ध छ ।

निःशुल्क वाइफाइ सेवाको उदघाटन प्रमुख अतिथि कर्णाली प्रदेशका माननीय मुख्यमन्त्री श्री महेन्द्र बहादुर शाही र वल्र्डलिंकका अध्यक्ष श्री दिलीप अग्रवालले गर्नु भई सेवा शुभारम्भ भएकोछ । उदघाटन समारोहमा वल्र्डलिंकका निर्देशक श्री मनोज अग्रवाल, प्रमुख कार्यकारी अधिकृत श्री केशव नेपाल  शे फोक्सुन्डो गाउँ पालिका वडा नं ८ का वडा प्रमुख श्री निमा लामा, शे फोक्सुन्डो राष्ट्रिय निकुञ्जका प्रतिनिधि श्री चन्द्र बहादुर घर्ती उपस्थित थिए ।

सो उदघाटन समारोहमा बोल्दै वल्र्डलिंक कम्यूनिकेशन्स लिमिटेडका अध्यक्ष श्री दिलीप अग्रवालले भने “नेपालको प्रमुख पर्यटकीय स्थलमा आउने पर्यटकका लागि सूचना प्रविधि अति नै महत्वपूर्ण भएकाले गुणस्तरीय सेवाका लागि फाइवरको विकल्प नभएको  बताउनु भयो, गास बास कपास संग आजको युगमा सूचना प्रविधि पनि जोडिएको छ, इन्टरनेटको प्रयोगले हामी हाम्रो जीवन लाई परिवर्तन गर्न सक्छौ, सूचना प्रविधि स्थानीय जनता तथा विद्यार्थीका लागि ज्ञानहासिल गर्ने माध्यम बन्न सक्छ, जुन स्थानमा बाटो घाटो, अस्पतालको  अभाव छ सोही ठाउँका लागि इन्टरनेट समस्याको समाधान हुन सक्छ ।  आफू डाक्टर नभए पनि इन्टरनेट बाटै एक जना विमारीको लागि आफनो डाक्टर साथी संगको सल्लाहले विमारीको उपचार फोक्सुण्डोमै गरेको अनुभव बताउदै, उच्च गतिको इन्टरनेटका लागि वल्र्डलिंकले डोल्पा जिल्ला सम्म फाइबर विस्तार गर्न तयार रहेको तर सो का लागि सरकारले पूर्वाधारको विकास विस्तार गर्नुपर्ने बताउनु भयो । फोक्सुण्डो सम्म इन्टरनेट पुरयाउन वल्र्डलिंकले  विभिन्न ११ स्थानमा टावर जडान गरेको छ, अध्यक्ष अग्रवालले भन्नुभयो अव हामी फाईवर जडानको लागि योजना तयार गर्छौ ।

कर्णाली प्रदेश प्राकृतिक सुन्दराताले भरिपूर्ण तथा निकै सम्भावना बोकेको प्रदेश रहेको माननीय मुख्यमन्त्री श्री महेन्द्र वहादुर शाही ले बताउनु भयो, यहाँ उपलव्ध प्रचुर सम्भावनाको प्रयोग गर्न नसिकिएको हुनाले सोको विश्व बजारमा पहिचान गराउन सके मात्र पनि यो प्रदेशको कयापलट हुने उहाँको भनाइ थियो । यस प्रदेशमा उपलब्ध श्रोत साधनलाई विश्व वजारमा पुरयाउने माध्यम सूचाना प्रविधि पनि एक होे , विकट स्थानमा बसोवास गरेका जनतालाई विश्वसमुदाय समक्ष जोडन सूचना र प्रविधि महत्वपूर्ण हुने तर नाफा मुलक सेवाको सम्भावना कम भएकोले अन्य सेवा प्रदायकहरुको कम चासो रहेका वेला सेवामुलक कार्यमा वल्र्डलिंकले देखाएको अग्रसरताले  सूचनाबाट कुनै पनि पर्यटक आफन्त, घर परिवार, साथी भाई संग जोडिने तथा सम्पर्क विच्छेद नहुने हुनाले पर्यटकको रोजाइ बन्नेमा आफू विश्वस्त रहेको तथ्याङक रारा महोत्सवले स्पष्ट पारेको मुख्यमन्त्रीको भनाई थियो ।  कर्णाली प्रदेशले कर्णाली पर्यटन बर्ष घोषणा गर्दा रारा ताल बाट  सम्माननीय प्रधानमन्त्री बाट वल्र्डलिंकले प्रदान गरेको निःशुल्क इन्टरनेट सेवा बाटै पर्यटन वर्षको उदघाटन भएकोमा आज सम्म रारा जाने पर्यटकका लागि सूचनाको पहुँच पुगेको स्मरण गर्दै सेवालाई गुणस्तरीय बनाउन फाईवरका लागि प्रदेश सरकार तयार रहेको बताउनु भयो ।

प्रकाशित मिति : ११ चैत्र २०७७, बुधबार  ३ : २५ बजे