टिकटकमा एक शब्द नबोली चर्चित बनेका खाबी लेम

एजेन्सी । जब इटालीमा पहिलो पटक कोरोनाभाइरसको कारण देशव्यापी लकडाउन भयो, खाबी लेम बेरोजगार बने । उनी ट्यूरिनको उत्तरी शहर नजिकै एक कारखानामा काम गर्थे । 

सरकारले कडा लकडाउन लगाएको कारण उनी आमाबुबा बस्ने ठाउँ चिवासो पुगे । र, लकडाउनमा पनि उनी तीन भाइबहिनीहरुसँगै कामको खोजीमा रहीरहे । एकदिन लेमले चर्चित मनोरञ्जन चिनियाँ एप टिकटक मोबाइलमा डाउनलोड गरे ।

उनले सुरुमा सामान्य अरु टिकटक प्रयोगकर्ताको जसरी डान्स, भिडियो गेम, साना कमेडी स्टन्टको क्लिप बनाएर टिकटकमा अपलोड गर्न थाले । पछि लेमले सामान्य भिडियोभन्दा फरक लाइफ ह्याक भिडियोहरुको मजाक बनाएर टिकटकमा भिडियो अपलोड गर्न थाले । जसले उनको टिकटकमा फ्लोअरको बाढी नै लगायो । उनको एक्कासी  करियर टिकटकमा जन्मियो । 

लेम अहिले टिकटकमा एक चर्चित नाम हो । उनको ११४ मिलियन फ्लोअर रहेका छन् । छोटो समयमै धेरै फ्लोअर कमाउने उनी पहिलो प्रयोगकर्ता हुन् । उनी धेरै फ्लोअर हुने पुरुषमा पहिलो हुन् भने समग्रमा उनी दोस्रो धेरै फ्लोअर भएका प्रयोग कर्ता हुन् । उनको भन्दा अमेरिकाको क्यालिफोर्नियाकी डान्सर चार्ली डी एमिलोको फ्लोअर ९ मिलियन धेरै छ । 

लेम लामो हात, एक भावपूर्ण मुहार र शारिरिक रुपमा पातला एक सेनेगली नागरिक हुन् । उनको जन्म सन् २००० मार्च ९ मा सेनेगलमा भएको थियो । उनी १ वर्षको उमेरमा शरणार्थी बनेर इटाली छिरेका थिए । 

लेम आफ्नो अधिकांश भिडियोमा सरल र तार्किक रुपमा प्रस्तुत हुन्छन् । उनी एक शब्द नबोली आफ्नो मानिसहरुलाई मज्जाले हसाउँन सक्छन् । ‘म लाइफ ह्याक भिडियोहरु हेरिरहँको थिए । अचानक मेरो मनमा यसमा केही सादगी ल्याउने विचार आयो ।’ लेमले भने, ‘‘इशारा गर्ने सोच संयोगले आयो । मैले सकेसम्म धेरै मानिसहरुसम्म आफूलाई पुर्याउनु थियो । त्यसको एक मात्र सरल बाटो नबोल्ने ।’ 

उनका भिडियोहरु सामान्य प्रयोगकर्ताको भन्दा विल्कुलै फरक छ । एक हिसाबमा उनको कला ब्राण्डिङ भैसकेको छ । मौन अभिव्यक्ति प्रतिक्रियाको कारण उनी रचनाकार बनेका छन् । उनी अरुको अनुहारमा हाँसो ल्याउनको लागि यसो गरेको बताउँछन् । ‘हुनसक्छ मेरो अनुहारको भाव हास्यास्पद छ र उनीहरु हाँस्छन्, यो सादगीले मानिसलाई हसाउँछ र म यसलाई माया गर्छु ।’ लेमले भने । 

एक विश्लेषक भन्छन्, ‘लेम एक शब्द नबोली टिकटकमा लोकप्रिय बने, उनलाई संसारले चिनिरहेको छ, गैरमौखिक संञ्चारले पनि बाधा हटाउन सक्छ र संस्कृतिको स्थापना गर्न सक्छ भन्ने एक उदाहरण हो, लेम ।’

ह्युस्टनस्थित मार्केटिङ एजेन्सी थर्टी फाइभकी संस्थापक क्रिस्टीना फेराज भन्छिन्, ‘उनलाई देख्न र बुझ्न बोल्न आवश्यक छैन । उनको हाउभाउ नै काफी छ ।’ जिवन जटिल नभएको लेमको भिडियो सन्देश रहेको फेराजको बुझाई छ ।

लेमको मौन अभिव्यक्तिको विश्वभर लाखौँ संख्यामा प्रशंशक रहेका छन् । उनी सामान्य जिवनमा आउने क्रियाकपालमा आधारित भिडियोहरु बनाउँछन् । लेम भन्छन्, ‘मानिसहरु सोच्दछन् की म समस्याको समाधान गर्ने व्यक्ति हुँ भनेर, त्यसैले उनीहरु मलाई सम्झिन्छन् ।’

उनको अनुहारको भावले उनलाई मिमि स्टारमा परिणत गरेको छ । उनको अनुहार सोशल मिडियामा प्रतिक्रिया भिडियोहरुमा पोस्ट गरीएको थुप्रै देखिन्छन् । 

‘मानिसहरु पलायनवाद र सम्बन्ध दुबैको लागी सोशल मिडियाको खोजीमा थिए,’ फेराजले भनिन्, ‘मौखिक संचारको कमी दर्शकहरुलाई मात्र आफ्नो कार्यहरुमा ध्यान केन्द्रित गर्नको लागी अनुमति दिन्छ, र अरु कुनै अर्थ उसले शाब्दिक रूपमा के गरिरहेको छ वा अभिव्यक्त बाहेक अरु लागू गर्न सकिदैन।’

लेमको टिकटकमा दैनिक २ लाख फ्लोअर बढ्दछन् । उनी प्लेटफर्मको सबैभन्दा धेरै लोकप्रिय प्रयोगकर्ता बन्ने अग्रपंक्तिमा छन् । सोशल मिडिया एनालिटिक्स ट्याकका अनुसार लेम केही समयमै टिकटकको सबैभन्दा धेरै फ्लोअर भएका स्टार बन्नेछन् । 

‘मलाई मतलब छैन कि म टिकटकमा पहिलो वा दोस्रो वा चौथो सबैभन्दा लोकप्रिय छु। मैले भिडियो बनाउन शुरू गरें किनकि म लकडाउनको अवधिमा मानिसहरुलाई हसाउँन चाहँथे ।’ लेमले भन्छन् ,‘र म उहि आदर्शहरु संग भिडियो बनाउन जारी राख्छु। म मेरो उपलब्धिहरुको बारेमा खुसी छु, तर ती मेरो मुख्य चीजहरु होइनन्।’ 

उनको लोकप्रियताले अन्तर्राष्ट्रिय ढोका खोलेको छ । उनको लोकप्रियता जस्तै, पृष्ठभूमिले विभिन्न महाद्वीपहरु पार गरेका छन् । 

सेनेगलमा जन्मेका लेम एक वर्षको हुँदा उनी आमाबाबुसँगै शरणार्थी बनेर इटाली छिरे । उनले लामो समय शरणार्थी शिविरमा जिवन विताए । शिविरले नस्लवाद र इटालीबाट बाहिरको संसारको उजार गर्ने श्रेय दिएको लेमको बुझाई छ । 

‘त्यहाँ हामी हरेक जातिको मान्छे थियौं, त्यसैले हामी एक अर्कालाई धेरै सुरक्षा दिनेछौं। त्यहाँ नस्लवादको बारेमा कहिल्यै कुनै मुद्दा थिएन’ उनले भने। जबकि उनी अझै इटालियन नागरिक छैनन्, उनी धाराप्रवाह इटालियन बोल्छन् र उनी इटालीलाई घर मान्छन्। उनले नागरिकताको लागी आवेदन दिएका छन् र उनी प्रक्रियाको लागी पर्खिरहेका छन् । सेनेगाली पासपोर्ट बोकेर संयुक्त राज्य र अन्य देशहरुमा कार्यक्रमहरुको लागी यात्रा गर्न गाह्रो भएको लेम बताउँछन् । 

तर, यात्रा गर्न असमर्थताले उनको प्रसिद्धि प्रभावित छैन। उनको लोकप्रियता अन्य सामाजिक सञ्जालका प्लेटफर्ममा समेत छ । उनको इन्स्टाग्राममा ४५ मिलियन फलोअर्स छन् । 

उनको लोकप्रियताले नेटफ्लिक्स, इटालियन फूड कम्पनी बरिला र भारतीय फ्यान्टसी स्पोर्ट्स प्लेटफर्म ड्रीम ११ सहित अन्तर्राष्ट्रिय कम्पनीहरुसंग साझेदारीको ढोका खोलिदिएको छ । लेमले कामहरुमा धेरै अन्य सौदाहरु छन् कि उनी अझैसम्म खुलाउन चाहँदैनन् । 

साझेदारीबाट कति पैसा कमाउनु हुन्छ भन्ने प्रश्नमा लेम जवाफ दिन अस्विकार गर्छन्  । यद्यपि सबैभन्दा ठूलो सामाजिक मिडिया स्टारहरु आफ्नो सामग्रीबाट बर्षमा लाखौं डलर कमाउन सक्छन्। टिकटकमा चर्चित भएपछि आफूले सबैभन्दा महंगो चिजको रुपमा आईफोन १२ बनेको बताउँछन् । सो मोबाइलले राम्रो भिडियो खिच्न सक्ने उनले बताए । 

उनी अझै सम्झिन्छन्, शरणार्थी शिविर, बेरोजगार भएर लकडाउनमा घरमै बस्नुपर्दाको पिडा । उनी भन्छन्, अहिले मेरो कर्ममा मेरा बुबाआमा गर्व गर्नुहुन्छ । खुशी हुनुहुन्छ । 

‘यो अनपेक्षित थियो उहाँहरुको लागि बुबाआमा विश्वको बाँकी जस्तै। यसैले उहाँहरु धेरै ढिलो परिप्रेक्ष्यमा पुग्नुभये। र म पनि। तपाइँलाई थाहा छैन तपाइँलाई के भइरहेको छ,’ उनले भने, ‘जब म सानो किशोर अवस्थामा थिएँ उहाँहरुमा म के बनोस्, के होस् भन्ने कुराको कुनै निश्चित विचार नै थिएन । महत्वपूर्ण कुरा यो हो कि म खुसी थिएँ, र राम्रो जागिर पाएको थिएँ।’

लेम अब मिलानमा आफ्नो एजेन्टसंग बस्छन्। उनका पोष्टहरु सेलिब्रेटीहरुबाट औंठा-अप प्राप्त, उनको मूर्ति, अभिनेता विल स्मिथसहित। आफू चलचित्रकर्मी इडी मर्फी र विल स्मिथबाट उत्प्रेरित भएको उनको भनाइ छ।

-सीएनएनबाट अनुवाद गरिएको 

प्रकाशित मिति : १९ आश्विन २०७८, मंगलबार  १ : ३२ बजे