काठमाडौं । अदालतको अवहेलना मुद्दा खेपिरहेका चार पूर्वप्रधान्यायाधीशले सफाइ पाएका छन् ।
५ पुसको प्रतिनिधिसभा विघटनपछि पूर्व प्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीले संयुक्त विज्ञप्ति निकालेर असंवैधानिक र यसले संविधान नै समाप्त पार्ने भन्दै विरोध जनाएका थिए ।
विघटनविरुद्ध अदालतमा मुद्दा विचाराधीन रहेका बेला विज्ञप्ति निकालेर स्वतन्त्र र निष्पक्ष न्याय सम्पादन प्रभावित पार्न खोजेको भन्दै अधिवक्ता धनजीत बस्नेत र लोचन भट्टराईले अदालतको अवहेलनामा रिट दायर गरेका थिए ।
शुक्रबार प्रधानन्यायाधीश चोलेन्द्रशमशेर जबरा र न्यायाधीश सपना मल्ल प्रधानको संयुक्त इजलासले रिटमा सुनुवाइ गर्दै मागदाबी नपुग्ने फैसला सुनाउँदै सफाइ दिएको हो ।
प्रकाशित मिति : १५ आश्विन २०७८, शुक्रबार ४ : ४६ बजे
प्रतिक्रिया