काठमाडौं– प्रमुख प्रतिपक्ष दल नेकपा एमालेका अध्यक्ष केपी शर्मा ओलीले दार्चुला घटनाबारे सरकारले भारतलाई थाहा नदिएकोमा आपत्ति जनाउनुभएको छ । आज काठमाडौंमा युवा संघको कार्यक्रमलार्इ समबोधन गर्नुहुँर्दैै उहाँले महाकाली नदीमा भारतीय एसएसबीले तुइन चुँडाएर जयसिंह धामी बेपत्ता भएको घटनाबारे सरकारले भारतलाई किन थाहा नदिएको भन्दै प्रश्न गर्नुभयो ।
‘तुइनबाट मान्छे खस्छ, बेपत्ता हुन्छ । त्यसबारे तपाईं बोल्नुहुन्न । नेपाली झारिन्छ भनेर प्रतिवेदन आउँछ । तर, पनि बोल्न सक्नुहुन्न । भारत भन्छ, थाहा छैन । भारतलाई नेपाल सरकारले किन थाहा दिन सक्नुहुन्न ?,’ अध्यक्ष ओलीले प्रश्न गर्नुभयो ।
उहाँले धामी महाकालीमा बेपत्ता भएको सम्बन्धमा भारत सरकारसँग प्रश्न किन नउठाएको भनेर सोध्नुभएको छ । ‘नागरिक मारिँदा पनि चुइक्क बोल्न सक्दैन ? सडकमा लाठी लगाउन सक्छ त युवाहरू बोल्ने बित्तिकै १ यस्तालाई भन्छन् घरका बाघ वनका स्याल,’ अध्यक्ष ओलीले भन्नुभयो ।
पाँच दलको सरकार हुँदा पनि नेपाली नागरिकलाई महाकालीमा खसालेको विषयमा चुइँक्क बोल्न नसकेको भन्दै उहाँले सरकारको आलोचना गर्नुभयो ।
नागरिकलाई उक्त घटनाको विरोध नगर्न विज्ञप्ति जारी गरेकोप्रति पनि अध्यक्ष ओलीले आलोचना गर्नुयो ।
प्रकाशित मिति : २१ भाद्र २०७८, सोमबार ७ : २० बजे
प्रतिक्रिया