काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवालाई विश्वासको मत दिने बताएका छन् । ठाकुरले देउवालाई भने, ‘तपाई प्रधानमन्त्री त परमादेशले बन्नुभएको हो जनादेशबाट होइन तरपनि हामी विश्वासको मत दिन्छौ ।’
प्रतिनिधिसभामा बोल्दै पटक–पटक प्रधानमन्त्रीहरुलाई समर्थन गरे पनि जसपाले उठाएका माग पूरा नभएकोमा ठाकुरले गुनासो गरे । ‘हामी मत त दिन्छौं तर उत्पीडितले केही पाउँदैन । देशमा राजनीतिक अस्थिरता बढ्नुको मुख्य जड नै संविधान रहेको ठाकुरले बताए । ‘हामीले बारम्बार भनेका छौं कि संविधान नै गलत छ । राजनीतिक अस्थिरताको जड यही संविधान हो’, ठाकुरले भने ।
प्रधानमन्त्री देउवाले पत्र पठाएर समर्थन मागेको र माग पूरा गर्ने वचन दिएको भन्दै ठाकुरले अहिलेको संविधानबाट उत्पीडनमा परेकाले केही नपाउने आफ्नो ठहर रहेको बताए ।
प्रकाशित मिति : ३ श्रावण २०७८, आइतबार ८ : ०९ बजे
प्रतिक्रिया