रूपन्देही । लुम्बिनी प्रदेशसभाको बजेट अधिवेशन बिहीबार राति अन्त्य भएको छ ।
प्रदेशसभामा पेश भएको बजेट सहमतिमा पास गर्न सत्तारूढ दलले मागेको समय दिन विपक्षी गठबन्धन तयार नभएपछि बिहीबार एमालेले सदन बहिष्कार गरेर हिँडेको थियो ।
एमालेले बहिष्कार गरेपछि केही समय स्थगित भएको प्रदेशसभा पछि सूचना टाँसेर आज दिउसो १ः०० बजेसम्मका लागि स्थगित भएको थियो । शुक्रबार राति मन्त्रिपरिषद् बैठक बसेर संसद् स्थगित गर्ने निर्णय गर्दै प्रदेश प्रमुख धर्मनाथ यादवलाई सदन अन्त्य गर्न सिफारिस गरेको थियो ।
सरकारको सिफारिसलाई प्रदेश प्रमुख यादवले संविधानको धारा १९३ को उपधारा (२) बमोजिम आठौं अधिवेशन अन्त्य गर्नु भएको छ । योसँगै लुम्बिनीको बजेट अध्यादेशबाट आउने भएको छ ।
सदनमा सहकार्य गर्न, सहमति गर्न प्रतिपक्ष तयार नभएकाले बाध्य भएर सरकारले यो बाटो रोजेको एमाले सचेतक भुमिश्वर ढकालले बताउनुभयो ।
प्रकाशित मिति : १ श्रावण २०७८, शुक्रबार ९ : ०४ बजे
प्रतिक्रिया