काठमाडौं । शास्त्रीय संगीतकार एवं गायक गुरुदेव कामतको निधन भएको छ । बिहीबार बिहान ६ बजे उहाँको निजी निवास सिरहामा निधन भएको हो ।
६९ वर्षीय कामत लामो समयदेखि मिर्गौला रोगबाट पीडित हुनुहुन्थो । लामो समयदेखि मिर्गौलाको उपचार गराइरहनुभएकाे कामत आर्थिक समस्या भएपछि एक महिना अगाडि काठमाडौंबाट सिरहा फर्किनुभएको थियो ।
शास्त्रीय संगीतमा निकै ख्याति कमाउनुभएका कामतले पछिल्ला ४० वर्षदेखि निरन्तर नेपाली गीत, संगीत, शास्त्रीय गायन क्षेत्रमा योगदान पुर्याउँदै आउनु भएको थियो ।
उहाँकाे जन्म २०१२ साल साउन १७ गते सिरहामा भएको थियो ।
प्रकाशित मिति : १७ श्रावण २०८१, बिहिबार ११ : १२ बजे
प्रतिक्रिया