नेपालगञ्ज । नेपालगञ्जमा आज भएको वर्षाले यहाँका विभिन्न स्थान जलमग्न भएका छन् ।
उपमहानगरपालिकाको घरबारी टोल, सदरलाइन, भेरी अस्पताल लाइन, न्युरोड, सेतु विक चोक, रामलीला मैदानलगायत क्षेत्रमा पानीको निकास नहँुदा जलमग्न भएको जिल्ला प्रहरी कार्यालय, बाँकेले जनाएको छ । ती स्थान जलमग्न हुँदा पैदलयात्रीलाई आवतजावत गर्न कठिनाइ हुनुका साथै सवारीसाधनलाई समेत आवतजावत गर्न कठिनाइ भएको प्रहरीको भनाइ छ ।
जिल्ला प्रहरी कार्यालय, बाँकेका प्रहरी नायब उपरीक्षक नारायण डाँगीले नरैनापुर गाउँपालिका–६ को दोन्द्रा खोलामा फसेका तीन जनालाई उद्धार गरिएको जानकारी दिनुभयो ।
“खोल तर्न खोज्दा उहाँहरू त्यही फसेपछि हामीले उद्धार गरेका हौँ”, उहाँले भन्नुभयो । प्रहरी नायब उपरीक्षक डाँगीले फसेका तीन जनामध्ये दुई जनालाई सामान्य चोट लागेको उल्लेख गर्दै स्थानीय मेडिकलमा उपचार भइरहेको बताउनुभयो । स्थानीय ५० वर्षीय कूलबहादुर थारु, पर्शुराम मौर्य र पर्शुराम यादवलाई प्रहरीले उद्धार गरेको हो ।
प्रकाशित मिति : १६ श्रावण २०८१, बुधबार ९ : २२ बजे
प्रतिक्रिया