काठमाडौं । अमेरिकाले नेपाललाई १५ लाख डोज जोन्सन एन्ड जोन्सन खोप उपलब्ध गराउने भएको छ ।
अमेरिकी राष्ट्रपति कार्यालय ह्वाइट हाउसका प्रवक्तालाई उध्दृत गर्दै समाचार एजेन्सी रोयटर्सले जनाएअनुसार सो परिमाणको खोप शनिबार (अमेरिकी समयअनुसार शुक्रबार) नेपाल आइपुग्नेछ ।
नेपालकी राष्ट्रपति विदादेवी भण्डारीले अमेरिकी राष्ट्रपति जो बाइडेनलाई नेपाललाई खोप प्रदान गर्न भन्दै पत्र लेख्नु भएको थियो ।
अमेरिकीे राष्ट्रपति बाइडेनले विपन्न र गरिब मुलुकलाई ८० मिलियन डोज खोप उपलब्ध गराउने घोषणा गरे अनुसार नेपालले उक्त परिमाणमा खोप प्राप्त गर्न लागेको समाचारमा बताइएको छ ।
नेपालमा सुरक्षितपूर्वक खोप र्पुयाउन वैज्ञानिक समूह, कानूनी टीम र अधिकारीहरुले मिलेर काम गरिरहेको ह्वाइट हाउसका अधिकारीले बताएको रोयटर्सले जनाएको छ ।
प्रधानमन्त्री केपी शर्मा ओलीका परराष्ट्र मामिला सल्लाहकार राजन भट्टराईका अनुसार खोप आउने निश्चित भएपनि मिति भने यकिन नभएको बताउँनुहुन्छ ।
सरकारले आज(शुक्रबार) चीनबाट ८ लाख डोज भेरोसेल खोप नेपाल ल्याएको थियो ।
प्रकाशित मिति : २५ असार २०७८, शुक्रबार ६ : २८ बजे
प्रतिक्रिया